Pontesía 19

Este xoves, 28/03/19, no Anden Primeiro, unha nova xeración de poetas acompañan a nosa prezada Marilar Aleixandre na #Pontesía19, que será acollida por César Lorenzo Gil #poesía.

Poesía namorada

O 14 de febreiro serviulle ao alumnado de inspiración para crear algunhas composicións poéticas. Algúns ata se atreveron cos sonetos! 

Día da Poesía

Xa chega o 21 de marzo, o día ideal para...

                    lapidarte a bicos

porque

                    Contigo
                    os mapas fanse
                    cidades...

 Fonte: http://avozdoalobre.blogaliza.org/

E aquí atoparedes algúns fermosos versos en galego...

Poema de Berta Dávila con música

No IES Castro Alobre de Vilagarcía de Arousa, temos tres alumnas en 1º BAC (Carlota, Coral e Laura) que non deixan de sorprendernos coa súa faceta máis artística. Nesta avaliación, a proposta era a de facer un traballo creativo a partir dos textos do poemario Raíz da fenda, de Berta Dávila, e velaquí deixamos o resultado do seu esforzo.

Versos dixitais

Impresionante o traballo de Noelia Gómez Calvo con estes Versos Dixitais. Sen dúbida, un gran recurso para a clase de literatura.

Día Mundial da Poesía

Este é un fermoso mapa de Galicia que elaboraron os alumnos do IES Pintor Colmeiro para celebrar o Día Mundial da Poesía. Din que Poesía é liberdade... moita poesía imos ter que ler para superar os tempos tan díficiles que estamos a vivir. Escolle un dos autores que aparecen na ilustración e, como diría Fran Alonso, Poetízate!

dia_da_poesía_combinado by As Ferreiras Silleda

Celso Emilio Ferreiro

Os nenos e nenas do CEIP Andrade de Pontedeume recitan "Deitado frente ao mar". Un fermoso vídeo con ilustracións de Leandro Lamas. A voz de Celso Emilio Ferreiro segue viva.