Día de Rosalía

Cada 24 de febreiro, celebramos o Día de Rosalía de Castro. Este ano, decidimos crear uns fotopoemas co alumnado de 3º e 4º ESO (que están demostrando ser uns artistiñas). Aquí vai unha mostra das súas creacións. E, lembrade, este 24 de febreiro #AbrideAFiestra e compartide os vosos traballos.

Novo curso: Pelerinaxes I

Comezamos coas actividades deste novo curso. Hoxe fomos coa rapazada de 4º ESO ata o IES Vilamarín, para ver a presentación da película Pelerinaxes, de Simone Saibene. Alí, o director contounos a súa experiencia coa rodaxe desta película-documental e revelounos anécdotas e segredos dos días de gravación. Coa súa axuda, descubrimos esta emotiva "pelerinaxe" que fixeron Otero Pedrayo, Vicente Risco e Ben-Cho-Shey dende Ourense ata Santo André de Teixido, alá polo ano 1927. A viaxe deu lugar á obra que escribiu Otero Pedrayo (Pelerinaxes I) e que publicou en 1929 a editorial Nós.

Ademais, o alumnado do IES Vilamarín agasallounos cuns cócteles sen alcol e uns riquísimos aperitivos!!

Tráiler da película.

Máis información sobre a ruta en Camiño a San Andrés.

A ruta  de Pelerinaxes I

Pelerinaxes pon en valor a riqueza patrimonial galega...

Padlet: mural dixital sobre o Rexurdimento

Padlet: mural dixital sobre os Séculos Escuros, Ilustración e Prerrexurdimento

Padlet: mural dixital sobre a literatura medieval galega

Infografías sobre o Rexurdimento

Taboleiro de Pinterest coas infografías literarias sobre o Rexurdimento. Traballo do alumnado de 1º BAC do IES Lagoa de Antela (Xinzo de Limia).

Infografías sobre os Séculos Escuros

Taboleiro de Pinterest con infografías sobre os Séculos Escuros. Traballos realizados polo alumnado de 1º BAC do IES Lagoa de Antela (Xinzo de Limia).

Infografías sobre a literatura medieval galego-portuguesa

Deixamos un enlace ao noso taboleiro de Pinterest para que poidades ver as infografías literarias tan bonitas que fixo o alumnado de 1º BAC do IES Lagoa de Antela, en Xinzo de Limia. Nete caso, son infografías sobre a literatura medieval galego-portuguesa. As que aparecen en Pinterest están feitas coa aplicación Piktochart, pero poderedes ver outras infografías interactivas en Genial.ly. Pouco a pouco, irémolas dando a coñecer. De momento, deixamos un pequeno exemplo... :-)

Formulario sobre a literatura entre dous séculos

Formulario sobre a literatura entre dous séculos e outros autores do Rexurdimento (todas as preguntas e respostas destes formularios están baseadas na teoría que aparece no libro de texto Lingua galega e literatura 1º BAC da editorial Anaya).

Formularios sobre o Rexurdimento

Repaso sobre o Rexurdimento e as figuras de Rosalía de Castro, Eduardo Pondal e Curros Enríquez.


O Rexurdimento: Rosalía de Castro O Rexurdimento: Pondal e Curros

Formulario sobre os Séculos Escuros

Repaso sobre os Séculos Escuros.

Formularios sobre a literatura galega medieval

Formularios de repaso sobre a literatura galega medieval.

Literatura medieval I
Literatura medieval II Literatura medieval III

Fin de curso...

Outro ano máis... Iremos deixando por aquí pequenas lebranzas do que fixo o brillante alumnado do IES As Lagoas, en Ourense.

Teatro Galego

Leer más publicaciones en Calaméo

Literatura infantil e xuvenil

Leer más publicaciones en Calaméo

Poema de Berta Dávila con música

No IES Castro Alobre de Vilagarcía de Arousa, temos tres alumnas en 1º BAC (Carlota, Coral e Laura) que non deixan de sorprendernos coa súa faceta máis artística. Nesta avaliación, a proposta era a de facer un traballo creativo a partir dos textos do poemario Raíz da fenda, de Berta Dávila, e velaquí deixamos o resultado do seu esforzo.

Versos dixitais

Impresionante o traballo de Noelia Gómez Calvo con estes Versos Dixitais. Sen dúbida, un gran recurso para a clase de literatura.

Dos arquivos do trasno

Ao longo deste trimestre, o alumnado de 1ºBAC estivo a traballar coa obra Dos arquivos do trasno, de Rafael Dieste. Inspirándose en dous relatos que aparecen neste libro, "Sobre da morte de Bieito" e "Na morte de Estreliña", as alumnas Carlota e Laura fixeron uns orixinais vídeos que vos presentamos a continuación.

 Sobre da morte de Bieito

Na morte de Estreliña