21 de febreiro: Día da Lingua Materna

A ONU proclamou o 2019 como o Ano Internacional das Linguas Indíxenas para que os Estados adopten medidas para preservalas, revitalizalas e promovelas. Alistair Heather explícanos neste vídeo que unha das linguas que se fala en Escocia é o escocés (non só o inglés). Tamén nos conta que, precisamente, esta lingua minoritaria debería de contar cunha maior protección. Se nos paramos a pensar, o certo é que escocés e galego parecen ter trazos en común no que respecta á súa situación e historia... 

Ademais, nos próximos días celebrarase o Día Internacional da Lingua Materna, que foi proclamado pola Conferencia Xeral da UNESCO en novembro de 1999 e que se celebra anualmente dende o 21 de febreiro de 2000 cos obxectivos de promover o plurilingüismo e a diversidade cultural. 

Fonte: DornaFG

GoConqr: mapas mentais para sociolingüística

Traballos feitos polo alumnado de 1º BAC do IES Lagoa de Antela coa aplicación GoConqr.

Mapa Mental creado con GoConqr por Raúl Parejas Mapa Mental creado con GoConqr por Angela Tejada Seoane

 Esta é unha enquisa que está a desenvolver Luz Varela Armas no Departamento de Galego-Portugués, Francés e Lingüística da Universidade da Coruña. A súa finalidade é a de obter datos sobre a percepción e o uso da nosa lingua en internet no ámbito educativo. Con ela, pretende recadar datos para realizar un estudo sobre a situación do idioma galego na rede, dentro do que é a súa tese "As TIC e a normalización lingüística na sociedade galega actual. Unha aproximación á súa realidade educativa"

Para facer a enquisa, non é necesario identificarse nin engadir datos persoais, aínda que, se queredes, podedes escribir o voso enderezo electrónico ao final para recibir os resultados. 

Enquisa sobre a percepción e o uso do galego en internet

 

 

Porcentaxe de galegofalantes por municipio

Recuperamos este valioso documento dende o portal ProLingua. Nel atopamos o mapa de Galicia coas porcentaxes de galegofalantes por municipio. Os concellos nos que se fala o galego exterior tamén están sinalados, aínda que non se ofrecen datos sobre a situación da lingua neles. O certo é que o galego ten unha presenza maioritaria neste mapa, pero iso non é suficiente xa que se é evidente o retroceso que está a sufrir a lingua na sociedade, especialmente nas cidades. Preme en cada un dos municipios e poderás ver os datos concretos que lle corresponden a ese lugar.

Intencións...

Os compañeiros de ProLingua publican esta fotografía na que aparecen dous titulares diferentes sobre un mesmo tema. A realidade é a mesma (tod@s os que estamos nisto sabemos cal é), pero aínda hai quen non a quere ver nin aceptar. Mesmo chegan a culpabilizar a quen está nunha situación de inferioridade. As intencións duns e doutros son ben distintas. Que cada quen faga a súa propia reflexión porque diso é do que se trata, de pensar un pouquiño...

O galego en "crisi"?

Interesantes reflexións as que nos deixa o filólogo e académigo da RAG, Xosé Luís Regueira, sobre a situación actual do galego no mundo da política.

"Hemos feito" que o galego estea en "crisi"?

Gústanos falar galego

O galego está de moda. Todo o mundo quere falar a nosa lingua. Aquí tedes a estudantes de galego en Carballo que nos explican as súas razóns para aprendelo.