Vocabulario do corpo

Aquí deixamos algúns dos debuxos dos artistiñas de 1º ESO. Esperemos que así non esquezan o vocabulario que aprenderon estes días. 

Portal das Palabras

Xa podemos gozar do Portal das Palabras, un novo espazo web para a difusión do léxico galego. Esta é unha iniciativa didáctica da RAG e da Fundación Barrié e nela podedes consultar léxico, xogar coas nosas palabras ou preguntar as vosas dúbidas sobre a lingua. Unha ferramenta máis que achega o galego a tod@s, ademais de asegurar o espazo da nosa lingua na rede.

                                          

A paisaxe

Continuamos coa nosa particular recompilación de vocabulario e imaxes.

O tempo

Lóstrego, folerpa, sarabia, orballo... Estamos a poñerlle imaxes a parte do vocabulario relacionado co tempo atmosférico. Aquí tedes algunhas delas.

Dicionario de alimentación e restauración galego-castelán-inglés

Xa podes descargar en GalegoBook o Dicionario de alimentación e restauración galego-castelán-inglés. Esta obra, que elabora o Termigal e coordina o lingüista Manuel González, recolle ata 3000 conceptos relativos ao mundo da gastronomía e inclúe notas etimolóxicas.

Xadrez para todos

A Secretaría Xeral de Política Lingüística vén de publicar estes manuais para iniciarse no mundo do xadrez ou para perfeccionar os coñecementos neste deporte. Os catro tomos, escritos orixinalmente en catalán,   reúnen material pedagóxico para o ensino do xadrez nos ámbitos educativo, deportivo e lúdico. Trátase dunha colección promovida por Balàgium Editors e os seus autores son Jordi Prió Burgués, Ramon Torra Bernat, Imma Farré Vilalta e José L. Vilela de Acuña.

Xadrez para todos. Iniciación 1
Xadrez para todos. Iniciación 2
Xadrez para todos. Intermedio 1
Xadrez para todos. Intermedio 2