Infórmate sobre cada unha das finalistas e vota pola túa Palabra do Ano 2023

 A fase de votacións remata o luns 25 de decembro ás 23:59 horas. Lembra que nun lapso de 24 horas só poderás votar unha vez por equipo e IP. Admítense tres dispositivos por enderezo IP.

Fonte: Portal das Palabras

A fuga do Apalpador

 Compartimos este xogo sobre a figura do Apalpador que nos chega dende o CEIP A Canicouva.

Palabra do Ano 2023

 A Real Academia Galega e a Fundación Barrié acaban de abrir a campaña para a elección popular da Palabra do Ano 2023. Ambas as institucións promoven esta escolla colectiva dende o ano 2014 a través do Portal das Palabras, o proxecto web que comparten para a difusión do léxico galego. O público poderá participar ata o domingo 10 de decembro na fase de recolla de suxestións, da que sairán os vocábulos finalistas. A votación popular desenvolverase entre o martes 12  e o luns 25 de decembro. (Fonte: Portal das palabras)

Fonte: Portal das palabras

Gañadores do concurso de Samaín

 Aquí deixamos os traballos gañadores do Concurso de Samaín deste ano.

Gañadores de 1º e 2º ESO - Parabéns!

E aquí temos os gañadores de Bacharelato. Parabéns a todos eles!

A bruxa regañadentes...

 Tres irmáns, desatendendo as advertencias da nai, intérnanse nun bosque escuro e misterioso, onde calquera cousa pode suceder. O máis pequeno, temeroso e consciente do perigo, trata de avisar os dous máis vellos, pero cando ten que tomar unha decisión acaba por acompañalos. Como non saben o camiño de volta, deciden entrar na casa da bruxa, onde cheira a comida...

Esta é a historia de terror e medo que viven os protagonistas de A bruxa regañadentes. Ideal para compartir agora que chega o Samaín e as vésperas de Defuntos...

Samaín!

 Retomamos as publicacións no noso blog para dar a coñecer as actividades do Equipo de Dinamización da Lingua Galega que se realizan no IES As Lagoas de Ourense. Comezamos esta nova andaina coa convocatoria dun concurso de microrrelatos de terror. Aquí deixamos as bases.

Día Internacional da Muller e a Nena na Ciencia

 O 11 de febreiro foi declarado pola ONU como o Día Internacional da Muller e a Nena na Ciencia "coa finalidade de lograr o acceso e a participación plena e equitativa na ciencia para as mulleres e as nenas, e ademais para lograr a igualdade de xénero e o empoderamento das mulleres e nenas."

Fonte: Bibliotecas Escolares de Galicia

Dende o IES Pazo da Mercé, o Comando Igualdade e Diversidade déixanos este fantástico vídeo para contribuír á visibilización das mulleres na Ciencia. Oxalá que moitas das nosas alumnas teñan a oportunidade de seguir por ese camiño!