Xeometría no Pórtico da Gloria

Xa van xurdindo novas achegas para celebrar o IX día da Ciencia en Galego. Unhas das últimas que nos chega é esta interesante Xeometría no Pórtico da Gloria.

Fonte: http://www.igaciencia.org/fotcg/cartelp.pdf

Domingo Fontán e a Carta Xeométrica de Galicia

A Secretaría Xeral de Política Lingüística, en colaboración co Consello da Cultura Galega e a Real Academia Galega de Ciencias, acaba de presentar unha unidade didáctica para dar a coñecer a figura do matemático e científico galego Domingo Fontán e a importancia da súa obra, na que destaca a Carta Xeométrica de Galicia. Podédela atopar na seguinte ligazón.

 Fonte: www.consellodacultura.gal

Ademais, a  Real Academia Galega de Ciencias celebrou o pasado luns, 8 de outubro, o Día da Ciencia en Galicia, no que se fixo homenaxe a Domingo Fontán, o autor da Carta Xeométrica de Galicia. No mesmo acto, o xornalista e director do programa Efervesciencia da Radio Galega, Manuel Vicente, recibiu tamén o Premio Galicia de Xornalismo Científico, convocado pola RAGC coa colaboración da Consellería de Economía, Emprego e Industria. Vicente foi recoñecido co galardón grazas á reportaxe “Ondas gravitacionais que soan en galego“. 

Aquí podes escoitar a reportaxe gañadora do III Premio Galicia de Xornalismo Científico.

Fonte: www.gciencia.com
 

Coplas dos Maios 2018

E estas son as coplas que fixeron os rapaces e rapazas do CPI Antonio Faílde.

Día de Rosalía

Cada 24 de febreiro, celebramos o Día de Rosalía de Castro. Este ano, decidimos crear uns fotopoemas co alumnado de 3º e 4º ESO (que están demostrando ser uns artistiñas). Aquí vai unha mostra das súas creacións. E, lembrade, este 24 de febreiro #AbrideAFiestra e compartide os vosos traballos.

Vocabulario do corpo

Aquí deixamos algúns dos debuxos dos artistiñas de 1º ESO. Esperemos que así non esquezan o vocabulario que aprenderon estes días. 

Contos de medo para o Samaín 2017

E aquí están os dous relatos gañadores do concurso deste ano. Parabéns ao alumnado de 1º ESO polo seu excelente traballo!

Novo curso: Pelerinaxes I

Comezamos coas actividades deste novo curso. Hoxe fomos coa rapazada de 4º ESO ata o IES Vilamarín, para ver a presentación da película Pelerinaxes, de Simone Saibene. Alí, o director contounos a súa experiencia coa rodaxe desta película-documental e revelounos anécdotas e segredos dos días de gravación. Coa súa axuda, descubrimos esta emotiva "pelerinaxe" que fixeron Otero Pedrayo, Vicente Risco e Ben-Cho-Shey dende Ourense ata Santo André de Teixido, alá polo ano 1927. A viaxe deu lugar á obra que escribiu Otero Pedrayo (Pelerinaxes I) e que publicou en 1929 a editorial Nós.

Ademais, o alumnado do IES Vilamarín agasallounos cuns cócteles sen alcol e uns riquísimos aperitivos!!

Tráiler da película.

Máis información sobre a ruta en Camiño a San Andrés.

A ruta  de Pelerinaxes I

Pelerinaxes pon en valor a riqueza patrimonial galega...